မင်္ဂလာပါ

Call us: +959-259609399

E-mail: [email protected]

Written by မျိုးပပစန်း (ဧရာဝတီ)

mglb interview 001KBZ ဘဏ်၏ အဖွဲ့အစည်းများ စာရင်းသေအပ်ငွေ စာရင်းတွင် ယခင် အပ်ငွေ အတိုးနူန်းမှာ ၁ လလျှင် ၉ ရာခိုင်နှုန်း၊ ၃ လလျှင် ၉ ဒသမ ၂၅ ရာခိုင်နှုန်း၊ ၆ လလျှင် ၉ ဒသမ ၅၀ ရာခိုင်နှုန်း၊ ၉ လလျှင် ၉ ဒသမ ၇၅ ရာခိုင်နှုန်းနှင့် ၁ နှစ်နှင့် အထက် ၁၀ ရာခိုင်နှုန်း ဖြစ်သည်ကို တွေ့ရသည်။

ယခု ပြင်ဆင် လျှော့ချလိုက်သော အတိုးနှုန်းများမှာ ၃ လလျှင် ၆ ရာခိုင်နှုန်း၊ ၆ လလျှင် ၆ ဒသမ ၂၅ ရာခိုင်နှုန်း၊ ၉ လ လျှင် ၆ဒသမ၅ ရာခိုင်နှုန်း၊ ၁နှစ်လျှင် ၆ဒသမ၇၅ ရာခိုင်နှုန်း၊ ၂ နှစ်လျှင် ၇ ရာခိုင်နူန်းနှင့် ၃ နှစ်လျှင် ၈ ရာခိုင်နှုန်း သို့ လျှော့ချ သတ်မှတ် လိုက်ခြင်းဖြစ်ကြောင်း KBZ ဘဏ် က ထုတ်ပြန်ထားသည်။

တဦးချင်းစီ၏ စာရင်းသေ အပ်ငွေစာရင်းတွင် အပ်ငွေ အတိုးနှုန်းမှာ ၁ လလျှင် ၈ ရာခိုင်နှုန်း၊ ၃ လလျှင် ၈ ဒသမ၂၅ ရာခိုင်နှုန်း၊ ၆ လလျှင် ၈ ဒသမ ၅ ရာခိုင်နှုန်း၊ ၉ လလျှင် ၈ ဒသမ ၇၅ ရာခိုင်နှုန်း၊ ၁ နှစ်လျှင် ၉ ရာခိုင်နှုန်း၊ ၂ နှစ်လျှင် ၁၀ ရာခိုင်နှုန်းနှင့် ၃ နှစ်လျှင် ၁၀ ဒသမ ၇၅ ရာခိုင်နှုန်းအထိ ပေးသွားမည် ဖြစ်ကြောင်း၊ ဘဏ်၏ အပ်ငွေ အတိုးနှုန်း များ ကို မေလ ၁ ရက်မှ စတင် ပြောင်းလဲမည် ဖြစ်ကြောင်း သိရသည်။

ကာလရှည် အပ်ငွေစာရင်းများ၏ အတိုးနှုန်း ရရှိမည့်ပမာဏကိုမူ ၈ ရာခိုင်နှုန်းမှ ၁၀ ဒသမ ၇၅ ရာခိုင်နှုန်း အတွင်း ကာလအလိုက် အဆင့်ဆင့် ပြောင်းလဲသတ်မှတ် သွားမည်ဖြစ်ပြီး ကာလတို အပ်ငွေနှုန်းထားများကို ၂၀၁၈ ခုနှစ် မေလ ၁ရက်မှ စ၍ အနည်းငယ် ပြောင်းလဲ သွားမည်ဖြစ်ကြောင်း KBZ ဘဏ်က ကြေညာထားသည်။

ယခင် စာရင်းသေ အပ်ငွေများမှာ မူလနှုန်းဟောင်းဖြင့် အပ်နှံထားသည့် ကာလအထိ ပြောင်းလဲမှုမရှိဘဲ အတိုး ဆက်လက် ရရှိမည် ဖြစ်သည်ဟု ဆိုသည်။

မေလ ၁ ရက်နေ့မှ စတင်၍ အသစ် အပ်နှံသော စာရင်းသေ အပ်ငွေများနှင့် သက်တမ်းတိုး အပ်နှံသော စာရင်းသေ အပ်ငွေများသည် ယခုပြောင်းလဲ သတ်မှတ်သည့် အတိုးနှုန်း အသစ်ဖြင့်သာ ရရှိမည် ဖြစ်ကြောင်း သိရသည်။

ထို့ပြင် ကာလရှည် ဘဏ်ချေးငွေများ ထုတ်ချေး ပေးသွားနိုင်ရန် အတွက်လည်း မြန်မာနိုင်ငံတော် ဗဟိုဘဏ်မှ ချမှတ် ထားသော စည်းမျဉ်းစည်းကမ်းများနှင့်အညီ ၂၀၁၈ မေလ ၁ ရက်မှ စတင်ပြီး ကာလရှည် အပ်ငွေ ပုံစံအသစ်ကို စတင် သွားမည် ဖြစ်သည်ဟု ဆိုသည်။

အဆိုပါ အပြောင်းအလဲများနှင့် ပတ်သက်ပြီး ကမ္ဘောဇဘဏ် (KBZ) ကုမ္ပဏီ လီမိတက် မန်နေဂျင်း ဒါရိုက်တာ ဦးအောင်ကျော်မျိုး နှင့် ဧရာဝတီ သတင်းထောက် မျိုးပပစန်းက တွေ့ဆုံ မေးမြန်းထားသည်များကို ဖော်ပြလိုက်ပါ သည်။

မေး။ ။ KBZ ဘဏ်ရဲ့ အပ်ငွေအတိုးနှုန်း လျှော့ချလိုက်တာက ဘာကြောင့်ပါလဲရှင့်။ ပြောင်းလဲလိုက်တဲ့ အတိုးနှုန်းထား ပုံစံလေးကိုလည်း ရှင်းပြပေးပါရှင့်။

ဖြေ။ ။ ကျနော်တို့ အတိုးနှုန်းက ပြောင်းလဲ သတ်မှတ်လိုက်တာ ဖြစ်ပါတယ်။ မြန်မာနိုင်ငံတော်ဗဟိုဘဏ်က သတ်မှတ် ထားတဲ့ အတိုးနှုန်းက ငွေစုဘဏ်အပ်ငွေပေါ်မှာ အတိုးနှုန်း ၈ ရာခိုင်နှုန်း ပေးရမယ်ဆိုတဲ့ စည်းမျဉ်းစည်းကမ်း ရှိပါတယ်။ အဲဒီစည်းမျဉ်းအတိုင်းပဲ ပေးထားပါတယ်။

ဘာဖြစ်လို့ ပြန်လျှော့လိုက်သလို ပြောင်းလဲတာလဲလို့ ပြောလို့ ရှိရင် ယခင်တုန်းက အဲဒီ အတိုးနှုန်း ၈ ရာခိုင်နှုန်းထက် ပိုပေးထားပါတယ်။ ၈ ဒသမ ၂၅ ရာခိုင်နှုန်း ဆိုပြီး ပိုပေးထားပါတယ်။ အခု နဂို ရာခိုင်နှုန်းအတိုင်း ပြန်ထားခြင်း ဖြစ်ပါ တယ်။

သဘောကတော့ ဘဏ်တွေက ပြိုင်ဆိုင်ပြီးတော့ Customer တွေ၊ ဘဏ်တွင် ငွေအပ်နှံသူ (Depositor)တွေကို ဆွဲဆောင် ကြတယ်။ ဈေးကွက်ကို ရအောင်လုပ်ကြတယ်။ အဲဒီ အခါမှာတော့ တဘဏ်နဲ့ တဘဏ် ပြိုင်ဆိုင်ပြီးတော့ အတိုးနှုန်းက ၈ ဒသမ ၂၅ ရာခိုင်နှုန်း ဖြစ်သွားပါတယ်။ ဒါကြောင့်အခု ကျနော်တို့က မူလ အတိုးနှုန်းဖြစ်တဲ့ ၈ ရာခိုင် နှုန်း ကိုပဲ ပြန်ထားခြင်း ဖြစ်ပါတယ်။

အခု ကျနော်တို့ဘဏ်က ပေးတဲ့ အတိုးနှုန်းထားအသစ်ကိုက ၈ ရာခိုင်နှုန်းကနေ ၁၀ ရာခိုင်နှုန်းအထိ ပေးထားပါတယ်။ ကာလရှည် ၃ နှစ်ကာလ စာရင်းသေအပ်ငွေကို ၁၀ ရာခိုင်နှုန်းအထိ ပေးထားပါတယ်။

နောက်တခါ ကျနော်တို့ အထူး သတ်မှတ်ထားတဲ့ အတိုးနှုန်းအဖြစ် ဘယ်လောက်အထိ ပေးသွားမလဲ ဆိုရင် ၃ နှစ် အပ်ငွေကို ရချင်ပါတယ်။ ရချင်တဲ့ အတွက် ၁၀ ဒသမ ၇၅ ရာခိုင်နှုန်းအထိ ပေးဖို့လည်း အခု စီစဉ်ထားပြီး ပါပြီ။

သို့ပေမယ့် ဒီမှာတော့ ဒီအပ်ငွေကို ဘဏ်တွေက အသုံးချမယ်။ အပ်ငွေကို အပ်နှံမယ့်သူဆီက လက်ခံမယ်။ လုပ်ငန်း လုပ်နေတဲ့ သူတွေကို ချေးငွေလိုအပ်ရင် ထုတ်ချေးပေးရမယ်။ မြန်မာနိုင်ငံတော် ဗဟိုဘဏ်ကလည်း ကျနော်တို့ကို ၃ နှစ်ကာလ ချေးငွေ ထုတ်ချေးခွင့် ပြုပေးထားပါတယ်။

အဲဒီလို ၃ နှစ် ထုတ်ချေးနိုင်ဖို့ အတွက် အပ်ငွေရှိဖို့ ဘဏ်တွေမှာ လိုအပ်ပါတယ်။

ဒါကြောင့် ကျနော်တို့ ၃နှစ် အပ်ငွေအတွက်ကို စာရင်းသေ အတိုးနှုန်း အမြင့်ဆုံး ၁၀ ရာခိုင်နှုန်းပေးထား ပြီးတော့ အထူး နှုန်းထားဖြစ်တဲ့ ၁၀ ဒသမ ၇၅ ရာခိုင်နှုန်း ပေးဖို့လည်း ရည်ရွယ်ထားပါတယ်။ အဲဒါကတော့ အပ်ငွေပမာဏနဲ့ ကာလအပေါ် မူတည်ပြီး ကျနော်တို့ ပေးမှာပါ။ ဒါကတော့ သီးသန့် ထပ်လာမှာပါ။

မေး။ ။ ဒီလိုမျိုး အပ်ငွေ လျှော့ချလိုက်တဲ့အခါမှာ တခြားဘဏ်တွေကလည်း ပြိုင်ဆိုင်မှုကရော ဘယ်လိုမျိုး ဖြစ်လာ နိုင်ပါသလဲ။ KBZ က ပြည်တွင်းမှာ အပ်ငွေအများစု အပ်တဲ့ ဘဏ်တခု အနေနဲ့ Customer လျော့ကျသွားမှာကိုရော စိုးရိမ်မှု ရှိပါသလား။

ဖြေ။ ။ ကျနော်တို့ကတော့ မုဒိတာ ပွားပါတယ်။ Banking လုပ်ငန်းတွေထဲမှာ ကျနော်တို့တွေက ညီနောင်ဘဏ်တွေ ဖြစ်ပြီးတော့ ဘဏ်တွေရဲ့ ဝန်ဆောင်မှုကိုတော့ အပြိုင်ပေးကြတာ ဖြစ်ပါတယ်။ ဒါပေမယ့် ဒီနေ့ဒီအခါမှာ မြန်မာနိုင်ငံ တော် ဗဟို ဘဏ်က ဘဏ်အသစ်တွေကို ဖွင့်ခွင့်ပေးထားပါတယ်။ အဲဒီအချိန်မှာ ကျနော်တို့ဘဏ်ကလည်း Deposit Market ရယ်ကို ပိုပြီး ရထားပါတယ်။ အပ်ငွေ ဈေးကွက်ဝေစု ပိုရထားပါတယ်။

ဒါကြောင့် တချို့တချို့သော သူတွေက ကျနော်တို့ အတိုးနှုန်းပြောင်းလဲ ပြင်ဆင် သတ်မှတ်လိုက်တဲ့ အပေါ်မှာ ကျနော် တို့ ဆီကနေ ပြန်ထုတ်ပြီးတော့ လိုအပ်နေသော ဘဏ်တွေကို သွားပြီး အပ်နှံမယ်ဆိုရင် ကျနော်တို့က မုဒိတာပွားပါ တယ်။

သဘောက ကျနော်တို့က အဲဒီလို တခြားဘဏ်တွေကို သွားအပ်မယ်ဆိုရင် ဘာပဲပြောပြော အပ်ငွေ လိုအပ်နေတဲ့ ဘဏ်တွေ အတွက်လည်း အပ်ငွေရသွားပါတယ်။

မေး။ ။ အပ်ငွေတွေကို အတိုးနှုန်းလျှော့ချသလို ချေးငွေတွေကို KBZ ဘဏ်ကနေ တဆင့် လုပ်ငန်းရှင်တွေ ပြန်ချေးတဲ့ ချေးငွေ ပေါ်မှာရော အတိုးနှုန်း လျှော့ချဖို့များ ရှိပါသလား။

ဖြေ။ ။ တကယ်တမ်းကျတော့ ချေးငွေပေါ် အတိုးနှုန်းက အပ်ငွေပေါ် အတိုးနှုန်းထက် တိုက်ရိုက်ပတ်သက် ပါတယ်။ တကယ်လို့သာ အပ်ငွေပေါ်အတိုးနှုန်းကို သက်သောင့်သက်သာ လေးနဲ့သာ ကျနော်တို့ဘဏ်တွေက ပေးရမယ်ဆိုရင် ချေးငွေပေါ်မှာ ကောက်ယူမယ့် အတိုးနှုန်းကိုလည်း လျှော့ပေါ့ ပေးနိုင်တာပေါ့။ ဒါက သီအိုရီလေးအရ ပြောတာပါ။

ဒါပေမယ့် ဒီအပ်ငွေတွေကို အပ်ငွေနဲ့ အတိုးပေးတာနဲ့ ချေးငွေပေါ်မှာ အတိုးပေးတာတွေကို ကောက်ယူခြင်း ကိစ္စတွေ မှာတော့ မြန်မာနိုင်ငံတော် ဗဟိုဘဏ်က အခုတော့ လွတ်လပ်စွာ ခွင့်မပြုသေးပါဘူး။

နောင်တချိန် အတိုးနှုန်းတွေနဲ့ ပတ်သက်ပြီး မြန်မာနိုင်ငံတော် ဗဟိုဘဏ်က လွတ်လွတ်လပ်လပ် ပေးလာပြီ ဆိုရင် တော့ ချေးငွေပေါ်မှာ အတိုးနှုန်း လျှော့ပေးဖို့ သင့်လျော်တယ်။ လျှော့ပေးနိုင်ခြေ ရှိပါတယ်။

အကောင်းဆုံး ဥပမာ တခုကို ပြောရမယ်ဆိုရင် ကျနော်တို့ ကမ္ဘောဇဘဏ်ကို JICA (ဂျပန် အပြည်ပြည် ဆိုင်ရာ ပူးပေါင်း ဆောင်ရွက်ရေး အေဂျင်စီ) က ချေးတဲ့ငွေကို Two Step Loan နဲ့ ချေးငွေ ထုတ်ချေးထားတာ ရှိပါတယ်။

ဒါက SME (အသေးစားနှင့် အလတ်စား လုပ်ငန်းရှင်များ)ကို ဦးစားပေး ချေးခဲ့ပါတယ်။ ကျနော်တို့ဘဏ်ကို ပေးရတဲ့ ငွေက ဟာ ၄ ရာခိုင်နှုန်းပဲ အတိုးပေးရတဲ့ အတွက်ကြောင့် Two Step Loan ချေးငွေကို အတိုးနှုန်း ၈ ဒသမ ၅ ရာခိုင် နှုန်းနဲ့ ချေးခဲ့ပါတယ်။

သဘောက အပ်ငွေပေါ်ကို ပေးရတဲ့အတိုးနှုန်း၊ သဘောက ကျနော်တို့ကို အခြားက လာကူညီတဲ့ ချေးငွေပေါ်ပေးရတဲ့ အတိုး နှုန်း သာ သက်သာရင် ကျနော်တို့ဘဏ်က ပြန်ချေးပေးရတဲ့ အတိုးနှုန်းကလည်း လိုက်ပြီး သက်သာသွားမှာ ဖြစ်ပါ တယ်။

မေး။ ။ ဘာများ ဖြည့်စွက်ပြီး ပြောချင်ပါသေးလဲရှင့်။

ဖြေ။ ။ ကျနော်က မြန်မာနိုင်ငံဘဏ်များ အသင်းမှာလည်း အထွေထွေအတွင်းရေးမှူး ဖြစ်ပါတယ်။ ဒီလို အပ်ငွေတွေနဲ့ အတိုးနှုန်းတွေနဲ့ ပတ်သက်လို့လည်း ဆွေးနွေးကြပါတယ်။ ဆွေးနွေးကြတဲ့အခါ ဒီအပ်ငွေပေါ်မှာ Call Deposit ကို လည်း ကျနော်တို့ လျှော့ခဲ့ပြီးသား ရှိပါတယ်။ လျှော့တဲ့အပေါ်မှာလည်း အပ်ငွေပမာဏ ထိခိုက်မှု မရှိခဲ့ပါဘူး။

ဒီလိုပဲ ဘဏ်တွေ အားလုံးကိုလည်း ရေရှည်ကို ကြည့်ပြီးတော့ နှစ်ရှည်၊ ကာလရှည် အပ်ငွေရမယ်ဆိုရင် နှစ်ရှည် ချေးငွေ ထုတ်ချေးနိုင်ဖို့ကို ရည်ရွယ်ပြီးတော့ ယခုလို အတိုးနှုန်းထားတွေ ပြုပြင်ပြောင်းလဲ ကြောင်းပဲ ပြောချင်ပါတယ်။

ကျနော်ရဲ့ ပြုပြင်ပြောင်းလဲတဲ့ ကာလအတွင်းတော့ အတိုးနှုန်း ပြောင်းလဲတာကို အများကြီးမလုပ်ဘူး။ လုပ်ချင်လည်း အကြိမ် အရေအတွက် နည်းပါတယ်။ လုပ်သင့်တယ်လို့တော့ ကျနော် အကြံပြုချင်ပါတယ်။ ။